Библия быд лун вылӧ | Коми Библия

Описание

Библия комиöн Видза корам, Кристослы эскысь дона чой-вок да Кристослӧн велӧдӧмкӧд на тӧдмасьысьяс. Тайӧ котырын ті верманныд во чӧжӧн тӧдмасьны Вежа Гижӧдлӧн медтӧдчана юкӧнъяскӧд — Ен Кывкӧд, коді пыр Ен шыӧдчӧ быд войтыр да морт дорӧ. Али тӧд вылӧ уськӧдны тайӧ Вежа Небӧгсӧ. Тырвыйӧ Библиясӧ позьӧ аддзыны bible.com/ru/bible/4042 да finugorbib.com сайтъясысь. Ӧні ми йӧзӧдам нёль Библия лыддьысьӧм быд лун: ☀️ Медводдза лыддьысьӧм: литургия лунпас серти лӧсялӧ гажлун али кад темалы. Петӧ асывнас али луннас. Сы дінӧ содӧ гомилия — Вежа Айяслӧн дженьыда Библияысь юкӧн гӧгӧрвоӧдан кыв. (Видзӧдӧй гомилия йылысь пасйӧд улынджык). 🌄 Мӧд да коймӧд лыддьысьӧм: петӧны асывнас да рытнас. Найӧ артмӧдӧны вося лыддьысян кытш. 💬 Нёльӧд (луншӧрся) лыддьысьӧм: апостолъяслӧн гижӧдъясысь торъя юкӧн. Вежсьӧмъяс: • Комиӧн лыддьысьӧм лоас унджык: ӧні петӧны нёль комиӧн лыддьысьӧм (кык пыдди). • Гомилия петӧ рочӧн: гомилияясыс абу на комиӧдӧмаӧсь. Лача кутам, регыд найӧс вуджӧдасны. • Псаломъяс: ӧні ми огӧ йӧзӧдӧй псаломъяс, мыйла найӧс дасьтӧм босьтӧ уна вын. Но, колӧ кӧ, вермам йӧзӧдны сӧмын псаломлысь номерсӧ. • Ӧткодь лыддьысьӧмъяс: некымын лун вермас лоны ӧти Библияысь юкӧн лыддьысьӧм, но неӧткодь гомилияясӧн — тайӧ лыддьысьӧмъяссӧ ми йӧзӧдам. Луншӧрся лыддьысьӧмкӧд гомилия абу. Луншӧрся лыддьысьӧмын кӧ некымынысь помвыв лоас ӧти Библияысь юкӧн — сэки лыддьысьӧмсӧ ми йӧзӧдам сӧмын медводдзаысь. Гомилия йылысь: Гомилия гижысьлӧн ним дорас сулалас шыпас, коді петкӧдлас, кутшӧм вичкоын авторсӧ пыдди пуктӧны: [Х] - пыдди пуктӧны став Кристос вичкоын (Правӧславвеын, Католик вичкоын да мукӧдын) [П] - Правӧславве [К] - Католик вичко [Л] - Лютеран вичко [А] - Англикан вичко [Д] - Важ асыввывса вичкояс (шуам, Армен, Ассирияса) Видлӧг: вежа Аквиноса Фомалысь гомилиясӧ [К, Л, А] пыдди пуктӧны Католик, Лютеран да Англикан вичкоын. Вежа Юстин Философлысь гомилиясӧ [Х] пыдди пуктӧны став Кристос вичкоын. Мед Ен бурсиас тіянӧс!